Þýskuþrautinni lauk í liðinni viku. Enn er hægt að keppa í tungumálum. Hér eru upplýsingar um FRÖNSKUKEPPNI: Á frönsku kaffihúsi
Vika franskrar tungu og keppni frönskunema:
Keppni meðal íslenskra menntaskólanema í tilefni af viku franskrar tungu. Sigurvegarinn hlýtur að launum námskeið í Frakklandi sem fer fram í ágústmánuði.
Allir nemendur í frönsku í framhaldsskólum (sem eru fæddir fyrir 1. ágúst 1996) geta tekið þátt, nema þeir sem hafa dvalið lengi í frönskumælandi landi og þeir sem nota frönsku í daglegum samskiptum við fjölskyldu sína
Hver keppandi útbýr myndband út frá þemanu "Tónlist frá hinum frönskumælandi heimi og ég". Nemandinn útskýrir samband sitt við tónlist frá hinum frönskumælandi heimi, segir frá því sem honum/henni finnst um hana, hvers vegna o.s.frv. Nemandinn má sýna og/eða spila stutt brot af tónlist en aðaláherslan er samt sem áður lögð á munnlega tjáningu sem verður metin af dómnefnd. Innihald kynningarinnar er líka mjög mikilvægt.
Skilfrestur er til 18. mars. Þeir sem hafa áhuga á að taka þátt skulu hafa samband við frönskukennara til að fá nánari upplýsingar.
Comments